有哪些因素影響股票期權的期權金?

http://www.hkex.com.hk/chi/global/faq/stock%20options_c.htm

有哪些因素影響股票期權的期權金?

期權金由市場供求所決定，但比較正股市場，影響期權金的因素則更多。影響股票期權的期權金的因素包括：

正股價 － 正股價通常是影響期權價格最重要的因素。價內期權持有者可以較現行市價更佳的價格買入或賣出相關股份。因為它具有較大的價值，其價格相對於等價及價外期權 自然較高。由於行使價是固定不變的，故此一種期權是否屬價內便完全取決於正股價。價內期權的行使價與正股市價之差額稱為內在值。例如：認購期權的行使價 是$45，正股市價是$50，內在值就是$5。然而，在此情況下，認購期權的價格可能高於$5。即使是沒有內在值的價外期權及等價期權，通常仍會有某些價 值。這是因為正有其他因素決定期權的價值，該等因素統稱為「外在」因素（或往往稱為「時間值」因素），這些外在因素分別是距離到期日時間、對股息的估計、 利率及波幅。

距離到期日時間 － 在其他因素不變的情況下，當期權接近到期時，其價值便會下跌。愈接近到期日，下跌的速度亦愈快。所以接近期滿的價外期權可能很快就會失去其價值。因此，期權一般被視為「損耗性資產」。

股息 － 股息因素一般只適用於股票相關的期權，原因是其他資產並不會派發股息。在其他因素不變的情況下，派發現金股息將使股價在除淨日隨著股息現值下跌。股息愈高，預期股價的跌幅會愈大，從而影響期權金。

股息上升會導致認購期權金下跌，而認沽期權金上升。

利率 － 利率上升會令認購期權更有價值而認沽期權價值則會下降。利率可被視為機會成本。因為期權具槓桿效應，認購期權持有者毋需付出相關正股的總值，故此可將剩餘資金投資於具利息的工具。

波幅 － 風險是正股價在期權到期前由現時的價值變動至令沽出者有所損失的水平之或然率。該情況出現的或然率愈高，風險便愈大，則無論是認購或認沽期權的期權金也就更高。

風險程度取決於正股價的預期波動。這種波動通常稱為「波幅」。期權金包含該股票的預期波幅， 因此，常有人談論期權金的「引伸波幅」，即由期權金「引伸」出正股的可能波幅。波幅是以百份率顯示，並受期權市場用家密切留意及視為重要的指標。

上述因數對期權金的影響總括如下:

股票期權權利與責任分別

股票期權也是一樣 , 運作上有幾点是須要注意的：

1) 買入認購 (long call)、買入認沽 (long put) 者付期權金 , 有行使期權的主動權 ；沽出認購 (short call)、沽出認沽 (short put) 者收期權金 , 無行使權力 , 是一個被動角色。

2) 買入 (long call , long put) 者所付的期權金 , 在開倉時付出；沽倉 (short call, short put) 者所收的期權金 , 在開倉時一併收取。

3) 期權毋須要等到結算日才結算 , 双方於開倉後, 任何時間都可以在市場上自行平倉。

4) 股票期權如被行使 , 行使双方都要像在正股市場買賣股票一樣 , 買賣双方都要付足佣金及政府厘印等等。也因為這原因 , 大部份人樂意在市場以現金平倉作結 , 也不願以實物交收。統計全年被行使的數量 , 不足5%。

5) 最近期的月份, 比如「即月」期權時間值的損耗最快、最急。反之 , 遠期月份時間值的損耗最慢。

***

權利與責任分別

Long 者有權利行使 / 不行使

Short 者有責任比貨 / 接貨

[轉載]淡友的9大誤解

http://finance.discuss.com.hk/viewthread.php?tid=14096288&extra=page%3D1

好多酸友淡友唔知樓價大幅下跌的必要3大條件，即：

1. 銀行閂水喉
2. 高失業率
3. 高利率

只要此3項條件不同時出現(強調係同時)，即使世界末日香港樓價都唔會大跌。

1. 有利淡消息，業主一定要賤賣

我做過一個有趣實驗，各位可以跟我一齊做。我試下問公司幾個住公屋未買過樓既淡友，而家供樓利息係幾多，可能我既同事都係arm arm赤柱放監出黎，竟然冇人答得出，有一兩個就答3~4厘，最離譜的一個答5厘，但能夠答0.9~1厘既，係一個都冇。

沒有準確的利率訊息，當然會對市況作出錯誤的估計， 亦不會知道現時業主的供樓壓力是何其低。我一再強調，市場出現大量劈價盤的原因是大量業主供唔起樓，只要有能力供，業主會選擇一動不如一靜，因為賣了樓轉 租同樣係支出，而且租金遠超實際利息支出，毫不化算。以我住的貧民區屯門市中心為例，月供6000，利息佔1500，但租金就要1萬，即租金支出=利息支出的6倍左右。劈價賣樓後每月的財政壓力會大4000蚊。因此，自住樓的業主都會選擇繼續月供 6000，其中1500當係交租俾銀行，4500當係儲錢。

窮鬼業主係呢一刻反而冇能力劈價賤賣，唔係唔想劈俾你。

2. 炒家止賺就叫劈價

呢一兩日我有去地產舖問下有冇筍盤，結果係得個桔。唔係話冇業主減價，而係減完都仲比9月份個價貴，點入呀？

報 紙仲搞笑，炒家入貨310萬，叫價410萬，新招後減到385萬就叫「劈」，足足叫高75萬，即原價的25%都叫「劈」！情況就好似一個次次考第一既高材 生，測完驗你問佢識唔識，佢話考得好差，你以為今次仲輪唔到你唔合格，點知一派試卷，先知高材生拿99分，99分係佢黎講叫考得好差。

而所謂撻訂其實係新入貨炒家眼見6個月內冇可能升15%以上，在沒有盈利希望的情況下離場止蝕。實際上真正用家在新招後都繼續買樓。

3. 所有業主都可以隨時劈4~5成賣樓

信不信由你，係呢一刻只得有錢佬才有能力劈價3成以上賣樓俾你。原因好簡單，劈價4成我就要抬1成樓價先可以貼錢賣層樓俾你，你欣賞我層樓我貼俾你冇乜所謂，但問題係好似我呢d咁既窮鬼真係冇幾十萬抬俾你。

抬錢賣樓既動機就係，借私人貸款的利息，比供樓利率低，抬完錢反而可以節省利息。但現在暫時供樓利率仲係低，抬錢賣樓冇乜著數，大家可能要等一等。

4. 全港業主PK，我可以獨善其身

很多淡友希望樓價跌，但目的唔係想趁低入貨，而係想睇業主PK，見到有人負資產燒炭食二手飯佢地就會亢奮，說穿了，其實就係心地唔好，損人不利己。

但話時話，如果有一日全港業主都PK，失業冇收入供唔起樓，淡友就可以全身而退做一個食花生既旁觀者？如果係咁天水圍公屋就唔會悲情。訓天橋底既陳伯就係天下最幸福的男人。

事實上，要全港業主一齊PK，香港經濟一定出現嚴重問題，全香港冇人可以冇事甩身。淡友想業主死，但淡友本身自己都要死，仲可能係死先過人。當然，淡友既目的唔係想改善自己生活，由頭到尾都只係想人地同佢一齊PK，所以只要有業主陪佢一齊燒炭佢就覺得賺左。

5. 我冇能力買樓，所以樓價太高

坦白講，我都唔明點解有人會用1萬蚊一呎買樓，但唔明還唔明，有人真係有本事買，首期俾4百萬，月供5萬都供得起，証明人地有本事搵錢多過我，我買唔到1萬蚊樓係我廢，而唔係樓貴。

一再強調，自願的價就係市價，就係合理價，買唔起係人既問題，唔係個價既問題。你唔係身處那個圈子/階層，你不會明白那個圈子階層的人一個月搵幾多，如果你用自己的能力去衡量別人的負擔，一定出錯。

6. 炒家撻訂，我有著數

好多淡友睇報紙見到炒家撻訂，覺得炒家抵死，心都涼晒。但可能佢地未買過樓唔知乜野叫撻訂，撻訂D錢去左邊個度又唔知，總之有人唔見錢就最開心。事實上樓市係zero sum，有人賺錢就有人接貴貨，有人蝕錢就有人執筍野，d錢唔會唔見左，只係會由傻仔度轉移去叻仔度。 炒家撻訂，一方面係炒家蝕錢，另一方面睇，係業主無啦啦賺左，d錢唔會落入淡友或買家度，係全數落入業主及agent，我唔明白業主多左錢駛淡友點解會開 心。現在情況係，一方面冇實力炒家撻訂，另一方面實力用家、長線投資者創新高呎價，被撻業主錢多左，持貨力增強，個市更加難跌。呢一樣野未買過賣過樓係好 難明白。長期淡友一定會誤解。坦白講，如果每次賣樓買家都撻我訂，一年撻一次我已經可以退休唔駛返工。

另外，我做過agent可以講多一 樣野俾大家聽，agent的其中一件工作，就係行家(另一間公司)做到成交後，會話俾業主聽賣平左，然後話俾買家聽買貴左，撩佢地撻訂，保持客源盤源。更 過份係，正常成交係2~3個月後俾佣，撻訂就即時俾，因此agent係有動機撩自己的客、業主撻訂。對於agent黎講，最理想的環境就係每一單都有人撻 訂。

7. 炒家會感到痛苦

任何一個在2009-2010年出入過3次貨既炒家，起碼賺100萬，同一時間持貨50件的大炒家，身家最少5~6億， 單係2010年的收入已經8位數字，呢d人既字典入面，只有幸福，沒有痛苦呢2個字。(美孚大炒家97,03,08乜都經歷過，有咩世面未見過？)點解人 地撻40萬都撻得起？因為冤枉黎瘟疫去，賺左幾球野，蝕40萬當捐錢。淡友只係睇到炒家撻訂蝕幾十萬，冇睇到人地之前賺既錢已經夠退休。若果淡友既目的係 睇人痛苦，好對唔住，對象唔應該係數緊銀紙既炒家。(我做過agent，職業炒家幾錢入貨幾錢化妝幾錢出貨一年出入幾多我好清楚，信不信由你，炒家呢期係 嫌賺唔夠，冇得再玩)

8. 冇炒家樓市升唔起

炒家炒高樓價呢個誤解唔單只淡友有，甚至連好多業主都有呢個誤解。事實上， 炒家係經常創出屋苑呎價新「低」既人，有睇開樓既人都會發現市場突然會有平10~15%既成交，唔知道呢d就係agent炒家鋤價既成果。地產代理每日既 工作之一就係鋤價餵炒家，因為一般玩開既炒家冇即時水位都唔會入貨，父子都冇情講，好多人以為炒家用市價入貨然後mark高黎賣，大錯特錯。代理日日鋤 價，部份分行會獎勵鋤到價既agent，鋤低過市價10%的話，即使手上冇炒家，同事成交到一樣有10%佣份。因此，係炒家出沒既屋苑入面，經常會有一股睇唔到，但實際存在既樓價下跌壓力。每一個業主(用家)要出貨時，都會俾agent試探性地鋤一輪摸底，企硬唔俾人鋤既業主可能放盤成個月都冇人睇樓。

另一方面，由於炒家有入就一定有出，令市場長期處於供應充足，樓價上升有壓力。Agent為搏獎金(其實係犯法)，專谷炒家貨，正常用家業主要同炒家鬥就只有減價，坦白講用家業主真係多得炒家唔少。

樓價升跌係經濟大圍環境影響，市升，用家盤一樣會升，市跌，炒家一樣有份。炒家只不過係將物業的實際價值在短時間內反映，因為最終接貨都係用家，用家自願付出的價位，就係市場合理價。

冇左炒家會點？好簡單，agent鋤價的動力、動機會消失，因為鋤到好價，都係益左自住用家，自住用家唔會俾獎金，買左又唔賣，倒不如唔鋤價，佣係用買賣價計，唔鋤價做少d反而高d佣，鋤黎做乜？我可以好肯定，業主冇左炒家鋤佢地價，一定放肆心雄。

炒家係市場生態學上，屬於獅子老虎的食肉型，佢地一消失，原本俾佢地食住既鹿、牛、馬等草食型用家業主，就會坐大影響生態。受害既係準買家！

鋤到價買家唔會俾著數agent(俾都唔夠膽收)，但做高個價反而可以收多些佣，agent今後既方向好清楚，橫掂以後每單deal都係one night stand，點解唔去盡？

冇買過樓既淡友唔知業主諗乜。同樣，冇做過代理亦唔會知佢地諗乜。分析樓價升跌既人就多，但分析負責做deal既agent，真係只此一家。

9. 長期睇淡最安全

外 國諺語有云，一個停止了的時鐘每日都會有兩次報時正確。長期睇淡會令人有一種錯誤的安全感，覺得自己只要堅持，總有一日會正確。我唔想討論樓價升跌，只係 想問一句，係香港冇公屋冇綜援，退休後可以靠租樓度日嗎？就算你有錢交租都唔會租俾你，因為驚你拉柴影響樓價。社會就係咁現實，又老又冇樓，連仔女都會睇 唔起你。大部份人買樓唔係想炒，只係想俾屋企人一個家，以及老年時能夠活得比較有尊嚴，唔駛好似動物咁住係個籠入面。20~30歲個個都以為自己大把時間大把機會，實際上人生已過了1/3，你唔計劃未來30年，社會就會幫你計劃你既人生。淡下又10年，淡下又10年，人生有幾多個10年俾你睇淡？

我心知肚明，淡友睇呢篇文睇到最多一半一定睇唔落去，即使佢地睇足全文，都唔會覺得自己有問題，仍然繼續淡落去。但我建議從未買樓的長期淡友可以去SSP的籠屋睇下環境，橫掂第日自己都會搬去住，早d適應下冇壞。當一個人唔介意自己的結局就係好似動物咁，仲有咩野好講？

新手開始學習做期權

我曾經講過，一個新手開始學習做期權，最佳的方法是選擇一個較安全的接貨價，收取月息最少1%等月尾接貨。這樣的做法，接不到貨每月可以賺取正現金流，如接到貨，亦應該是近期相對較低的價位，接貨之後可以等反彈short call賺期權金等出貨、或高位直接沽貨、甚至作長線持有放埋一邊等收股息、悉隨尊便。例如收毫幾子期權金用$6行使價由即日到12月底等接建行，風險相對比建行拉升後才去追價較低，當然，如建行繼續爆升，用short put是接不到貨的，所收取的期權金回報相對也低。此所謂風險與回報成正比。

香港股票市場長期平均增長加股息的回報約12%，如一個懂得做期權的堅持用較安全的行使價和把握正股較深調整時才開倉short put，每月賺1%-3%期權金，另外等機會在反彈見頂short call或可再賺1%-3%，加上利用部份贏回來的錢long put控制跌風險，只要持之以恆，回報應勝於單單持有藍籌股組合。由於做期權通常只需付一成的按金，其餘約九成資金被行使時需要接貨才動用，對某些經常需要調動資金作日常營運或同時作其他投資的人，做short put等接貨比動用100%資金持有正股更能靈活使用資金。當然，當大市下跌按金會增加，通常建議最少預備15%正股價作按金，並有備用現金預備接貨。

當然，做期權要求的技巧較高，新手不要心急，先求知，學懂理論和操作，再投資也未遲。我常常說，期權新手要求自己最起碼的每月現金回報是預備接貨的金額的1%。如果每月1%也賺不到，應是操作方法出現問題。例如把期權當作牛熊證、窩輪那樣炒方向的工具、或貪期權金做得太多張數、風險管理得不夠好。如投資失利，要自己認真檢討出貨入貨的時候是否太衝動、是否出現見頂太貪心高追、見底太恐懼低沽的問題。

金曹 jin.cao@hotmail.com

http://blogcity.hkheadline.com/jincao

長渣睇基本因素，唔平唔買，短炒講時機，唔升唔買

可能不少散戶也如 chu chu 那樣，唔識炒就落水炒緊股票了。短炒講走勢，順勢而炒，易賺到錢，但散戶可能簡單到睇一隻股的走勢都未識睇，就已經炒緊。3、4線股的走勢圖好容易人為製造出來，但聯邦製藥(3933) 有170億市值，大隻鱓，好少少，可以睇纒圖。佢去年9月出見鰦17.24元的高位，到9月尾再試高位不穿，最高見16.46元，已經破壞鰦上升軌，首先出現鰦見頂之象，走勢轉弱，若之前有貨的短炒者可以在這時離場。離鰦場不代表不能再進場，若再見隻股上穿高位，可以在穿位時追入(可定5%止蝕)，佢在12月中出現疑似穿高位現象，後來最高見17.12元，穿唔到高位就回吐，即係話唔使追入，亦出現一個典型的雙頂現象，之後回落在16元左右橫行，到今年1月6日開始穿位向下，更加確認下行走勢，短炒唔使再望住。

我講聯邦製藥純講走勢，一的基本因素都無講，因為短炒真係睇走勢多過基本因素，chu chu在15.9元時買，我估係最近在橫行時買，如我所講，係見左雙頂之後，本身唔係一個好好買入時機，因為隻股走勢偏弱，輸面大過贏面。要買可以定在17.3元買，即係唔上破高位唔買，咁贏面會大小小。

你可能會問，點解唔在佢回落橫行時買，要在佢上升穿高位咁貴時買?　咁咪好笨? 長渣睇基本因素，唔平唔買，短炒講時機，唔升唔買，佢走勢已轉弱，你仲在佢橫行時買，唔好話佢破位向下機會較大，即使繼續橫行三個月半年，你點短炒 ? 所有機會成本輸哂，所以高位回落鰦之後橫行都買唔過; 對短炒者來說，在升穿高位時買，看似笨，其實精。我叫你分清長渣和短炒，因為即使買同一隻股，目標唔同，方法亦有好大分別。你想短炒，先練下睇大股的走勢圖先啦。

的士牌身價不凡

的士牌身價不凡

的士牌價被視為經濟寒暑表，受惠於低息環境下，掀起的士車牌「炒風」更轉趨熾熱。今個月的士牌價創出歷史新高，由1998年谷底反彈158%至439萬元。炒家持貨半年，亦可大賺57萬元。
有業內人士指，不用信貸的出租回報可達4厘，若採用八成半按揭，計及槓桿效應下，年回報率高達13%。儘管的士投資媲美投資物業，而的士牌又屬抗跌力高的投資工具，但要注意息率若抽升的話，租金回報會下跌。 採訪：李如虹

港 府自1994年起，至今已沒有發新牌，令的士牌價越炒越熾熱。今年7月23日至25日，本港的士牌價創出歷史新高至439萬元，較1998年金融風暴時 170萬元急升158%，亦比今年1月382萬擢升15%。炒家持貨半年，已大賺57萬元。現時本港約有15,252部巿區的士，新界及離島的士約有 3,000部。以巿面有15,252部巿區的士計算，7月23日當天，便有價值670億元的士牌在路面行駛，較當日港股成交額543億港元更多24%。

息口與牌價走勢反比

的士牌價飆升，均受油價、租車成本及經濟環境影響，然而最大主因，是受銀行提供的按揭息口影響。金威汽車有限公司經理陳楚建提及，車牌就像定息債券投資產品一樣，息口與牌價走勢成反比，息口遞減，價值上升。

而 今年2月份前，銀行為的士牌提供P-3厘（P為最優惠利率）的按揭，實際息率為2.25厘，當時的士牌價約380萬元。而由於銀行水浸，觸發點由2月份 起，銀行推出更以HIBOR(銀行同業拆息)為基準的按揭計劃，最低HIBOR+1厘，最低息率見1.07厘，的士牌價便即時衝上400萬元以上。
陳 楚建指，今年1至3月炒的士牌成交量最多，因自僱車主用家，未見過升至400萬元歷史高位，當放盤後立即有投資者接貨，令炒的士牌九成屬投資者。不過近年 投資者多進取，正在供一部的士，尚欠銀行200萬元，見銀行提供的浮息吸引，再向銀行借100萬元，以再投資多一部的士。
至於升破400萬元心理 關口後，價升但成交量卻趨淡靜，因投資者有更多考慮，一方面認為美國經濟未復甦，美國未必會加息，香港也不會跟隨加息。另方面賣車後雖然可套現現金，但車 主不知道日後可以再投資哪些工具，銀行定存息口又低，故此「放盤」不多，多會多睇一年才決定是否放售。

目前巿區的士牌照，主要集中在3類人手上： 個人持有人既是車主也是司機，多數為一早投得牌照或者繼承而來，除非要退休或創新高價，否則都不會出讓牌照；另一類是的士公司，持有若干牌照；其他就是投 資者，擁有的士牌照作為投資工具，透過車行出租給的士司機，既可收租，又可保值。

陳楚建說，3年前投資的士的門檻較底，首期才付20幾萬元，現時借八成按揭，首期便要高達86萬元。以一架二手的士為例，的士牌連車成本共435萬 元(的士牌433萬加舊車車價2萬元)，支付15%首期，餘下85%向銀行借貸。分25年攤還，目前利率為1.67厘(3個月HIBOR加1.3厘)，首 期付86.6萬元，月供只需約1.41萬元。即每月還本金約9,311元，利息4,821元。
現時一般市區的士日夜更租金，分別為370元及300元，每日合共670元，車主一個月出租28日，月收1.88萬元租金，夠冚供款之餘，更有錢落袋。在槓桿效應下，年回報率可高達13.3%(見表)。

現時入巿值博率不高

陳 楚建指，大部份投資者均會借盡上會，因每年淨收入可達11.5萬元。不過，要留意的是，風險也很大，因供款期間若牌價跌11萬元以上的話，便錄得零回報； 或牌價不升，而息口抽升3厘的話，每月供款便會增加5,500元，年租金回報亦會減少至1.36%。至於不上會的年回報約3.97厘。
目前本港活躍買賣車行約20間，的士牌價每日均由巿場釐定。陳楚建舉例，每日如有人買賣的話，會先致電給給經紀，了解買與賣數量去調整牌價，業內的士牌牌價開價相差1至2萬元。
作為一個投資工具，陳楚建說，新投資者若現時想入巿的話，已錯過不少大好時機，值博率不高。因430萬元已算高位，而牌價上落對加息消息非常敏感，「待美國傳加息後，牌價將會大幅回落至400萬元以下才考慮。」

巿區與新界的士已向政府申請起錶加價2元，他又說，此消息已反映在牌價上，若年底拍板加價的話，未來預計的士牌價將再有5%至7%升浪，相信至460萬元已見頂。

投資的士牌資料
成本
過戶費1,000元(一次性)，每年大小驗車、保險、牌費等約2萬元
車價
舊車2萬元，新車27萬元
租金收入
租車日更370元，夜更300元。部份車行提供每月包租金約1.6萬元
按揭息率
3個月Hibor+1.3厘，目前約1.67厘
按揭年期 25年
貸款 最高貸款85%
回報
以435萬元的士為例，現價年回報3.97%，借貸上會達13.28%

投資的士牌風險

理財第一波：投資的士牌風險

的士牌價由去年約 380萬元升至最近 480萬元，升幅接近 3成。有車行提供套餐優惠，首期 3成，連車價只付出 150萬元，月供約 1.4萬元，為期 25年，息率低至銀行同業拆息加 1.5厘，每月代車主包收租金 1.8萬元，並連保養維修。不計槓桿，表面回報逾 4厘，算是頗吸引。的士牌價在 97年有 300多萬元， 03年沙士時也可以保持在 300萬元左右。近來由於量化寬鬆措施，市場熱錢游離，大家都在尋找投資機會。加上有些國內投資者開始留意物業及股票以外的投資，令的士牌價在一年內升 100萬元。

市場易被人操控

運輸署自 90年代起，已沒有發新的士牌，而且的士牌市場不甚透明，監管不及股票市場，容易被人操控。出租的士不無風險，由車行負責出租，車主很難過問司機身份。的 士司機的駕駛態度，大家有目共睹，如迴旋處不慢車、在馬路上胡亂掉頭，加上有司機酒後或藥後駕駛，萬一發生意外，車輛不能行走，等如沒有車租收入，還有可 能賠上法律費用。此外，的士也有可能被偷。以按揭供車，貸款 350萬元，年息 1.75厘，為期 25年，月供 14413元。車租收入由 1.6萬至 1.8萬元。如果按揭期縮短至 20年，月供 17295元，約等同車租收入，當息率上升時，按揭付款有機會高於車租收入。此外，任何資產不會永遠上升，香港公共交通網絡越來越好，的士司機要賺生活並 不易。車費上升，車租亦升，但生意不佳，需求跌，牌價不可能永遠上升，車主有可能變成負資產。要找 4厘回報的投資產品，你可以考慮 400呎左右的單位，它的租金收入不錯，亦可找高息藍籌股。比較出租的士及出租物業，遇上差勁租客的風險較低，投資前宜記着要評估風險。

李兆波中大酒店及 旅遊管理學院會計與財務高級導師mailto:simonsplee@gmail.com