樓股投資，有小浪與大勢之分。樓市大勢上升不變，但擺在眼前是一個小調整浪。今晚睇八點有線財經，班人居然睇好樓市，更加令筆者堅信調整浪就在眼前。不過 跌返幾個月，樓價會再升過。嚮呢種市況之下，自住樓或者收租樓無需要賣，因為真係賣左買唔返；反而持貨太重，或者現金流buffer不足，就應該減磅。
供應增加主要集中在中小單位，一千呎以上的單位仍然是少數；人口增長放緩，但新建物業亦放緩，屬於中性；經濟已屆高原期主要因為香港本地經濟萎縮被中國因素中和。
講返樓市，其實最主要的旋律係「Ｍ型社會」，即係財富分配不均，貧富懸殊，所以一定要選擇優質物業，而不要死抱上車盤、公屋、居屋。呢一期高價搶公屋居屋的人，好大機會坐艇。
長遠黎講，渣現金係最笨，因為社會上最有錢果班人，唔係股票都係物業，手持大量現金的有錢佬，其實係大存大借。就係呢一班人，先至可以在低位入市。
