恒指仍然牛熊共舞
芝加哥期交所 VIX指數見 30.8，打破重要心理位 30，代表美股極度超賣。有減息 0.75 厘支持，美股一次強力反彈應冇問題，但威力已唔及 2007年8月17日果次。因為道指 50 天移動平均線已低於200天線，出現死亡交叉【圖】，確認美股熊市，唔似 8月17日只係跌穿 200 天線可出現強力 反彈而形成 Deep V（美股習慣用 200天線；恒指習慣 250天線）；反之，恒指並未出現 50天線低於 250天線，仲係牛熊共舞而非牛市死亡，所以今天反彈力度咁勁。
邱吉爾有以下忠告：如果你不懂得點樣係公眾人士面前用充滿自信及力量既說話去講出你既想法，便應設法避開群眾。對群眾講話係一門藝術，唔係人人可以也，有頭有面者應努力避開。
呢次聯儲局宣布減息 0.75厘，投票係八票贊成，只有聖路易聯儲銀行主席反對，認為應係正常會議日才宣布。好消息係貝南奇終於明白次按事態嚴重，壞消 息係佢知道得太遲，大約遲左一年。呢次聯儲局匆匆減 0.75 厘，代表聯儲局亦 panic，要透過視像會議去決定大幅度減息。睇黎美國經濟既病情令人擔心。
經濟歷史學家 Charles Kindleberger 認為，金融市場分為三部分「Manias, Panics, Crashes」。當經濟進入狂熱期，政府財金官員有責任冷卻它。上述係1990年《信報》要求香港政府放棄聯匯制度既理由，因為到出現恐慌性拋售時才做 已經太遲。如處理得唔好，例如 1997年亞洲金融風暴出現時港府仍推出八萬五房屋政策、金管局仍採取挾息打大鱷策略，便會令經濟進入第三階段，即 Crashes。依家美國經濟已進入第二階段「Panics」。殊仔同貝南奇能否阻止衰退鰠美國出現？已公布鮋統計數字對佢兩個愈來愈不利。
貝南奇用機關槍射蒼蠅
如果貝南奇有智慧，便應響 2006年下半年繼續加息去阻止道指由 2006年7月18日 10683點上升到 2007年10月11日 14198點，即經濟 歷史學家所講既狂熱期出現。佢係呢方面冇先見之明去阻止狂熱出現，到去年8月Panics出現，亦應該估計到呢次次按危機會進一步惡化，可惜佢連呢方面既 智慧都冇，任由道指粛去年11月形成熊市。今年1月22日則用機關槍去掃蒼蠅，急急召開視像會議、一口氣減息0.75厘，完全冇臨危不亂之風，貝南奇上任 時更曾向女記者露口風。佢呢兩年大事糊塗、小事精明；到今天騰雞到連我老曹都嚇唔倒，更何況見慣風浪既華爾街大鱷 ?! 領袖必須運籌帷幄，決戰千里，有必要 時，將軍要有叫自己兄弟去死既性格才可。所謂仁者無敵只適合係學校講，商場誰不你虞我詐，勝者為王、敗者為寇？
美國經濟相信今年將出現軟覑陸（即GDP一季負增長）；至於美股早響 2007年11月確認熊市，恐懼已戰勝貪念，市場由恐懼感統治，即後市有反彈無上升。至於港股仍係牛熊共舞，十五隻吊桶七上八落。
去年美國房屋價格及成交量皆回落，而去年第四季美國企業純利出現負增長，估計去年第四季GDP只升0.4％，不過消費信心仍強。
投資者漸漸明白減息係壞消息唔係好消息，各位心理上應作好準備，接受美國經濟軟著陸（即一季GDP負增長）。恐怕類似 2000至02年既美股熊市又再出現，美股五年牛市於2007年10月正式結束。
有大量數據支持美股熊市去年11月已開始（至於美國經濟會否陷入衰退，又係另一回事）。事實上，只須一次經濟軟著陸，已可令一個大熊市出現，令失業率 上升及消費增長率放緩、企業純利出現回落。香港受美股影響而出現猛烈波動，今年欲推行一個成功股票投資策略極唔容易。我老曹同詹瑞文兄合演舞台劇曾教大家 「拾纒、拾纒」，即 70％現金、只留 30％繼續投資（三七分），各位去年10月有冇咁做？
主權基金輸到唔清唔楚
呢次美國急急減息0.75厘，我老曹擔心係害大於利。作為 trader，你可以 fight the trend！投資者則有智慧不如趁勢，唔好同大趨勢作對。去年11月起我老曹已採用「paddle strategy」（以小博大），即我老曹過去強調細細注大大聲，例如可小量現金吸納期權或窩輪博賺取100％回報。Paddle策略係利用快艇裝上火箭 炮去攻擊敵人既航空母艦。如被自己打中，別人艦母沉沒；反之己方被敵方打中，損失只係一架快艇及數名士兵。如各位有興趣將作戰策略運用於自己投資上，3月 份出版既《論戰》應該你睇，保證較去年出版既《論勢》更精彩。各位是否仲記得1997-98年響場股市戰役點打？2000到03年果場又點打？仲有 1994、89、87、81及73-74年。著名投資家Jesse Livermore名句──There is only one side to the stock market. It is not the bull side or the bear side, but the right side !你係咪站響 right side度？有冇企錯邊？呢場風暴維持幾耐？我老曹木宰羊，只知粛風暴結束前仍有大量資金留響避難所。
過去亞洲及中東政府既主權基金係咪太早去 party？例如中國政府及新加坡政府入股柏克萊銀行，該股股價至今再跌30％，係繼中國入股百仕通後另一太 早入股既例子；另外新加坡政府入股UBS，至今損失23％；阿布扎比投資局以75億美元響去年11月認購花旗優先股，當日花旗股價29.8美元，今天 24.83美元回落17％；科威特30億美元入股花旗、20億美元入股美林，至今亦有虧損。至於內地中信證券公司去年10月以10億美元入股貝爾斯登，至 今貝爾斯登股價回落39％。連主權基金都輸到唔清唔楚，點解你可以唔輸？
沒有留言:
發佈留言