上落市中的股票期權策略

信報財經新聞 2010-01-23

前二周的文章題為「攻上難 退下難 期權勝算」。理由是進入2010年，整體大方向是在延伸2009年年底產生的趨勢，大市波幅收窄，市場情緒敏感。

這一趨勢要到主旋律產生變化而改變，而主旋律就是退市和加息。奧巴馬銳意對銀行進行改革和監管，這是否是影響市場的主旋律，仍有待觀察。

上篇文章談了宏觀面的基本因素，今天談微觀面的技術分析。從保歷加通道我們可以看到，自2009年11月中開始，直至本周五前，保歷加通道都沒有明顯的收縮或擴張，也可以說還沒有出現上穿頂大升，下破底大跌的的現象（本周五出現）。從圖表上看，並不是波幅收窄，而是窄波幅；波幅收窄是指大波幅後進入小波幅，窄波幅是指升跌波幅都在一定的波幅範圍內運行。

在這種市況下，指數期權較股票期權難獲利，做指數期權者必須願意承擔較高的風險。其理由是指數期權的IV偏低，波幅有限，若用Long，除非是用較高的期權金Long輕微加外，又能做到time the market，如本周下半場，才能厚利；不然，贏面甚低。若用Short，期權金偏低，價外更少，想賺多些，只能進取，險中求勝。因此，我們建議採用減少開倉的策略，資金的安排可以應付突發的市況。所以上二周的文章提及，作為保守的投機者，倉位略可進取，張數則應略減。

不過，股票期權則甚有作為，由於股票期權是以股票實物交收，風險在股票持有或不持有。香港期權市場的交收制度決定了指數期權和股票期權要採用不同的策略，筆者在《期權 Long & Short》已有具體描述，不贅。讓我們用港人愛股國壽（2628）為例，其IV與指數IV相若，約23至24，但策略大不相同。

筆者國壽股票在36元被call 走，只能每月做Short Put賺一些期權金。2009年11月，國壽第一次再上穿40元，筆者建議期權教室的朋友若持貨，就可以Short Call 39，收1至2元的期權金，值得短期在40元走一回，因為2008年1月在40元是一個重要的蟹貨區，回吐必然。本人則「空手道」Short Call 44，收0.8，0.3平倉，獲利0.5，加上Short Put 獲利0.8，共每股1.3，11月達標。

2009年12月，已有Short Put 38，收0.8在手，又一次上穿40元時0.3平倉獲利0.5，再「空手道」Short Call 46，收1.1，回落時0.5平倉，獲利0.6，又反手Short Put 38，收0.6，全收。12月三次獲利共每股1.7，達標。2010年1月要接12月Short Put 38的貨，備用金早已準備，立即派上用場。1月初升穿39元，由於正股在手，不必客氣，Short Call ATM 39，收1.1，開始回落時在38.6沽出部分正股，保持利潤，平Short Call 0.1，獲利1，Short Put 37，收1.1，並在36的水位買進部分正股，因為正股在36元被call走，目前仍持有1月Short Put 37，收1.12。1月的結局如何，可能未如理想，且看下月分解。

細心的讀者會發覺，以上做的都是輕微價外，甚至等價，由於持有股票或持有現金，故風險十分有限，反而是在這種窄波幅中的獲利機會。不過，有一點必須說明，對本人而言，在做股票期權的戶口，股票本身只是用來每月賺錢的原材料，沒有長期持有的意義。當然，在股票戶口，buy and hold 是需要的。

香港證監會持牌人

期權之道 在於保歷加 (杜嘯鴻)

筆者經常強調，期權是一種波幅性產品，是在波幅中獲利，與方向性產品相比，例如窩輪或牛熊證，有它明顯的獨特之處。從技術分析的角度看，利用保歷加通道衡量期權買賣的得失，是十分值得期權操作者學習的。因此，期權教室技術堂在教授保歷加通道時，稱之為期權之道──保歷加。

保歷加通道是以三條軸組成，上軸 = 移動平均線 + 二個標準差、 中軸 = 移動平均線（標準的平均線是以二十個交易日為準，但坊間對此經常進行自我調整）、下軸 = 移動平均線 - 二個標準差。

標 準差應用在投資上，可作為量度回報穩定性的指標。標準差數值愈大，表示股票現價遠離過去平均值，回報較不穩定故風險增加；標準差數值細，表示近期 股價維持窄幅上落。具體的函數在此不贅。保歷加通道提供給我們的是根據成交數據作出的客觀評估，說明現在價格是在相對高或相對低的位置，若通道正在擴大 （所謂「喇叭口放大」）是趨勢出現的現象。若收窄，是現有趨勢出現調整，但若收窄的時間過長，也是待變的現象。

我 們今天以保歷加通道（SMA 14）分別看道指、日經平均指數及恒生指數，我們可以看到技術指標只是客觀的反映，但並非能預測方向，我們用通道的頂或底去判斷短期的高低位，或者用擴大 或收窄看變動，這些只是保歷加的基本原理， 但操作期權的的最大風險，也正是來於這些基本原理。

道指日線圖，價格處在保歷加通道的底，2月1日、2日、3日「喇叭口」已在收縮，表面看是市況跌勢回穩，可以重上中軸，但2月4日卻是大跌268點收場。

日經平均指數的下軸收窄現象更明顯，但2月5日同樣跟隨美股大跌300點。而恒生指數的日線圖， 2月1日、2日、3日、4日，在下軸回穩的情況下，2月5日大跌676點。

從 上文可以看到，做期權的風險經常出現在保歷加的底部（頂部亦然），當大市經過短期的下跌，價格已出現在下軸，再經過二、三天的反彈，通道出現收 窄，是回穩的迹象，但意想不到的事總是發生，大跌後，通道在底部再次擴大。因此，為了降低期權操作的風險，筆者網上文章一直強調，開倉的策略應該小注，另 外，就是要配合一個《期權Long & Short》所講的Raw Date，一般建議看成交，用保歷加與大成交配合去確定短期的方向變動以定策略。

有哪些因素影響股票期權的期權金?

http://www.hkex.com.hk/chi/global/faq/stock%20options_c.htm

有哪些因素影響股票期權的期權金?

期權金由市場供求所決定，但比較正股市場，影響期權金的因素則更多。影響股票期權的期權金的因素包括：

正股價 － 正股價通常是影響期權價格最重要的因素。價內期權持有者可以較現行市價更佳的價格買入或賣出相關股份。因為它具有較大的價值，其價格相對於等價及價外期權 自然較高。由於行使價是固定不變的，故此一種期權是否屬價內便完全取決於正股價。價內期權的行使價與正股市價之差額稱為內在值。例如：認購期權的行使價 是$45，正股市價是$50，內在值就是$5。然而，在此情況下，認購期權的價格可能高於$5。即使是沒有內在值的價外期權及等價期權，通常仍會有某些價 值。這是因為正有其他因素決定期權的價值，該等因素統稱為「外在」因素（或往往稱為「時間值」因素），這些外在因素分別是距離到期日時間、對股息的估計、 利率及波幅。

距離到期日時間 － 在其他因素不變的情況下，當期權接近到期時，其價值便會下跌。愈接近到期日，下跌的速度亦愈快。所以接近期滿的價外期權可能很快就會失去其價值。因此，期權一般被視為「損耗性資產」。

股息 － 股息因素一般只適用於股票相關的期權，原因是其他資產並不會派發股息。在其他因素不變的情況下，派發現金股息將使股價在除淨日隨著股息現值下跌。股息愈高，預期股價的跌幅會愈大，從而影響期權金。

股息上升會導致認購期權金下跌，而認沽期權金上升。

利率 － 利率上升會令認購期權更有價值而認沽期權價值則會下降。利率可被視為機會成本。因為期權具槓桿效應，認購期權持有者毋需付出相關正股的總值，故此可將剩餘資金投資於具利息的工具。

波幅 － 風險是正股價在期權到期前由現時的價值變動至令沽出者有所損失的水平之或然率。該情況出現的或然率愈高，風險便愈大，則無論是認購或認沽期權的期權金也就更高。

風險程度取決於正股價的預期波動。這種波動通常稱為「波幅」。期權金包含該股票的預期波幅， 因此，常有人談論期權金的「引伸波幅」，即由期權金「引伸」出正股的可能波幅。波幅是以百份率顯示，並受期權市場用家密切留意及視為重要的指標。

上述因數對期權金的影響總括如下:

股票期權權利與責任分別

股票期權也是一樣 , 運作上有幾点是須要注意的：

1) 買入認購 (long call)、買入認沽 (long put) 者付期權金 , 有行使期權的主動權 ；沽出認購 (short call)、沽出認沽 (short put) 者收期權金 , 無行使權力 , 是一個被動角色。

2) 買入 (long call , long put) 者所付的期權金 , 在開倉時付出；沽倉 (short call, short put) 者所收的期權金 , 在開倉時一併收取。

3) 期權毋須要等到結算日才結算 , 双方於開倉後, 任何時間都可以在市場上自行平倉。

4) 股票期權如被行使 , 行使双方都要像在正股市場買賣股票一樣 , 買賣双方都要付足佣金及政府厘印等等。也因為這原因 , 大部份人樂意在市場以現金平倉作結 , 也不願以實物交收。統計全年被行使的數量 , 不足5%。

5) 最近期的月份, 比如「即月」期權時間值的損耗最快、最急。反之 , 遠期月份時間值的損耗最慢。

***

權利與責任分別

Long 者有權利行使 / 不行使

Short 者有責任比貨 / 接貨

[轉載]淡友的9大誤解

http://finance.discuss.com.hk/viewthread.php?tid=14096288&extra=page%3D1

好多酸友淡友唔知樓價大幅下跌的必要3大條件，即：

1. 銀行閂水喉
2. 高失業率
3. 高利率

只要此3項條件不同時出現(強調係同時)，即使世界末日香港樓價都唔會大跌。

1. 有利淡消息，業主一定要賤賣

我做過一個有趣實驗，各位可以跟我一齊做。我試下問公司幾個住公屋未買過樓既淡友，而家供樓利息係幾多，可能我既同事都係arm arm赤柱放監出黎，竟然冇人答得出，有一兩個就答3~4厘，最離譜的一個答5厘，但能夠答0.9~1厘既，係一個都冇。

沒有準確的利率訊息，當然會對市況作出錯誤的估計， 亦不會知道現時業主的供樓壓力是何其低。我一再強調，市場出現大量劈價盤的原因是大量業主供唔起樓，只要有能力供，業主會選擇一動不如一靜，因為賣了樓轉 租同樣係支出，而且租金遠超實際利息支出，毫不化算。以我住的貧民區屯門市中心為例，月供6000，利息佔1500，但租金就要1萬，即租金支出=利息支出的6倍左右。劈價賣樓後每月的財政壓力會大4000蚊。因此，自住樓的業主都會選擇繼續月供 6000，其中1500當係交租俾銀行，4500當係儲錢。

窮鬼業主係呢一刻反而冇能力劈價賤賣，唔係唔想劈俾你。

2. 炒家止賺就叫劈價

呢一兩日我有去地產舖問下有冇筍盤，結果係得個桔。唔係話冇業主減價，而係減完都仲比9月份個價貴，點入呀？

報 紙仲搞笑，炒家入貨310萬，叫價410萬，新招後減到385萬就叫「劈」，足足叫高75萬，即原價的25%都叫「劈」！情況就好似一個次次考第一既高材 生，測完驗你問佢識唔識，佢話考得好差，你以為今次仲輪唔到你唔合格，點知一派試卷，先知高材生拿99分，99分係佢黎講叫考得好差。

而所謂撻訂其實係新入貨炒家眼見6個月內冇可能升15%以上，在沒有盈利希望的情況下離場止蝕。實際上真正用家在新招後都繼續買樓。

3. 所有業主都可以隨時劈4~5成賣樓

信不信由你，係呢一刻只得有錢佬才有能力劈價3成以上賣樓俾你。原因好簡單，劈價4成我就要抬1成樓價先可以貼錢賣層樓俾你，你欣賞我層樓我貼俾你冇乜所謂，但問題係好似我呢d咁既窮鬼真係冇幾十萬抬俾你。

抬錢賣樓既動機就係，借私人貸款的利息，比供樓利率低，抬完錢反而可以節省利息。但現在暫時供樓利率仲係低，抬錢賣樓冇乜著數，大家可能要等一等。

4. 全港業主PK，我可以獨善其身

很多淡友希望樓價跌，但目的唔係想趁低入貨，而係想睇業主PK，見到有人負資產燒炭食二手飯佢地就會亢奮，說穿了，其實就係心地唔好，損人不利己。

但話時話，如果有一日全港業主都PK，失業冇收入供唔起樓，淡友就可以全身而退做一個食花生既旁觀者？如果係咁天水圍公屋就唔會悲情。訓天橋底既陳伯就係天下最幸福的男人。

事實上，要全港業主一齊PK，香港經濟一定出現嚴重問題，全香港冇人可以冇事甩身。淡友想業主死，但淡友本身自己都要死，仲可能係死先過人。當然，淡友既目的唔係想改善自己生活，由頭到尾都只係想人地同佢一齊PK，所以只要有業主陪佢一齊燒炭佢就覺得賺左。

5. 我冇能力買樓，所以樓價太高

坦白講，我都唔明點解有人會用1萬蚊一呎買樓，但唔明還唔明，有人真係有本事買，首期俾4百萬，月供5萬都供得起，証明人地有本事搵錢多過我，我買唔到1萬蚊樓係我廢，而唔係樓貴。

一再強調，自願的價就係市價，就係合理價，買唔起係人既問題，唔係個價既問題。你唔係身處那個圈子/階層，你不會明白那個圈子階層的人一個月搵幾多，如果你用自己的能力去衡量別人的負擔，一定出錯。

6. 炒家撻訂，我有著數

好多淡友睇報紙見到炒家撻訂，覺得炒家抵死，心都涼晒。但可能佢地未買過樓唔知乜野叫撻訂，撻訂D錢去左邊個度又唔知，總之有人唔見錢就最開心。事實上樓市係zero sum，有人賺錢就有人接貴貨，有人蝕錢就有人執筍野，d錢唔會唔見左，只係會由傻仔度轉移去叻仔度。 炒家撻訂，一方面係炒家蝕錢，另一方面睇，係業主無啦啦賺左，d錢唔會落入淡友或買家度，係全數落入業主及agent，我唔明白業主多左錢駛淡友點解會開 心。現在情況係，一方面冇實力炒家撻訂，另一方面實力用家、長線投資者創新高呎價，被撻業主錢多左，持貨力增強，個市更加難跌。呢一樣野未買過賣過樓係好 難明白。長期淡友一定會誤解。坦白講，如果每次賣樓買家都撻我訂，一年撻一次我已經可以退休唔駛返工。

另外，我做過agent可以講多一 樣野俾大家聽，agent的其中一件工作，就係行家(另一間公司)做到成交後，會話俾業主聽賣平左，然後話俾買家聽買貴左，撩佢地撻訂，保持客源盤源。更 過份係，正常成交係2~3個月後俾佣，撻訂就即時俾，因此agent係有動機撩自己的客、業主撻訂。對於agent黎講，最理想的環境就係每一單都有人撻 訂。

7. 炒家會感到痛苦

任何一個在2009-2010年出入過3次貨既炒家，起碼賺100萬，同一時間持貨50件的大炒家，身家最少5~6億， 單係2010年的收入已經8位數字，呢d人既字典入面，只有幸福，沒有痛苦呢2個字。(美孚大炒家97,03,08乜都經歷過，有咩世面未見過？)點解人 地撻40萬都撻得起？因為冤枉黎瘟疫去，賺左幾球野，蝕40萬當捐錢。淡友只係睇到炒家撻訂蝕幾十萬，冇睇到人地之前賺既錢已經夠退休。若果淡友既目的係 睇人痛苦，好對唔住，對象唔應該係數緊銀紙既炒家。(我做過agent，職業炒家幾錢入貨幾錢化妝幾錢出貨一年出入幾多我好清楚，信不信由你，炒家呢期係 嫌賺唔夠，冇得再玩)

8. 冇炒家樓市升唔起

炒家炒高樓價呢個誤解唔單只淡友有，甚至連好多業主都有呢個誤解。事實上， 炒家係經常創出屋苑呎價新「低」既人，有睇開樓既人都會發現市場突然會有平10~15%既成交，唔知道呢d就係agent炒家鋤價既成果。地產代理每日既 工作之一就係鋤價餵炒家，因為一般玩開既炒家冇即時水位都唔會入貨，父子都冇情講，好多人以為炒家用市價入貨然後mark高黎賣，大錯特錯。代理日日鋤 價，部份分行會獎勵鋤到價既agent，鋤低過市價10%的話，即使手上冇炒家，同事成交到一樣有10%佣份。因此，係炒家出沒既屋苑入面，經常會有一股睇唔到，但實際存在既樓價下跌壓力。每一個業主(用家)要出貨時，都會俾agent試探性地鋤一輪摸底，企硬唔俾人鋤既業主可能放盤成個月都冇人睇樓。

另一方面，由於炒家有入就一定有出，令市場長期處於供應充足，樓價上升有壓力。Agent為搏獎金(其實係犯法)，專谷炒家貨，正常用家業主要同炒家鬥就只有減價，坦白講用家業主真係多得炒家唔少。

樓價升跌係經濟大圍環境影響，市升，用家盤一樣會升，市跌，炒家一樣有份。炒家只不過係將物業的實際價值在短時間內反映，因為最終接貨都係用家，用家自願付出的價位，就係市場合理價。

冇左炒家會點？好簡單，agent鋤價的動力、動機會消失，因為鋤到好價，都係益左自住用家，自住用家唔會俾獎金，買左又唔賣，倒不如唔鋤價，佣係用買賣價計，唔鋤價做少d反而高d佣，鋤黎做乜？我可以好肯定，業主冇左炒家鋤佢地價，一定放肆心雄。

炒家係市場生態學上，屬於獅子老虎的食肉型，佢地一消失，原本俾佢地食住既鹿、牛、馬等草食型用家業主，就會坐大影響生態。受害既係準買家！

鋤到價買家唔會俾著數agent(俾都唔夠膽收)，但做高個價反而可以收多些佣，agent今後既方向好清楚，橫掂以後每單deal都係one night stand，點解唔去盡？

冇買過樓既淡友唔知業主諗乜。同樣，冇做過代理亦唔會知佢地諗乜。分析樓價升跌既人就多，但分析負責做deal既agent，真係只此一家。

9. 長期睇淡最安全

外 國諺語有云，一個停止了的時鐘每日都會有兩次報時正確。長期睇淡會令人有一種錯誤的安全感，覺得自己只要堅持，總有一日會正確。我唔想討論樓價升跌，只係 想問一句，係香港冇公屋冇綜援，退休後可以靠租樓度日嗎？就算你有錢交租都唔會租俾你，因為驚你拉柴影響樓價。社會就係咁現實，又老又冇樓，連仔女都會睇 唔起你。大部份人買樓唔係想炒，只係想俾屋企人一個家，以及老年時能夠活得比較有尊嚴，唔駛好似動物咁住係個籠入面。20~30歲個個都以為自己大把時間大把機會，實際上人生已過了1/3，你唔計劃未來30年，社會就會幫你計劃你既人生。淡下又10年，淡下又10年，人生有幾多個10年俾你睇淡？

我心知肚明，淡友睇呢篇文睇到最多一半一定睇唔落去，即使佢地睇足全文，都唔會覺得自己有問題，仍然繼續淡落去。但我建議從未買樓的長期淡友可以去SSP的籠屋睇下環境，橫掂第日自己都會搬去住，早d適應下冇壞。當一個人唔介意自己的結局就係好似動物咁，仲有咩野好講？

新手開始學習做期權

我曾經講過，一個新手開始學習做期權，最佳的方法是選擇一個較安全的接貨價，收取月息最少1%等月尾接貨。這樣的做法，接不到貨每月可以賺取正現金流，如接到貨，亦應該是近期相對較低的價位，接貨之後可以等反彈short call賺期權金等出貨、或高位直接沽貨、甚至作長線持有放埋一邊等收股息、悉隨尊便。例如收毫幾子期權金用$6行使價由即日到12月底等接建行，風險相對比建行拉升後才去追價較低，當然，如建行繼續爆升，用short put是接不到貨的，所收取的期權金回報相對也低。此所謂風險與回報成正比。

香港股票市場長期平均增長加股息的回報約12%，如一個懂得做期權的堅持用較安全的行使價和把握正股較深調整時才開倉short put，每月賺1%-3%期權金，另外等機會在反彈見頂short call或可再賺1%-3%，加上利用部份贏回來的錢long put控制跌風險，只要持之以恆，回報應勝於單單持有藍籌股組合。由於做期權通常只需付一成的按金，其餘約九成資金被行使時需要接貨才動用，對某些經常需要調動資金作日常營運或同時作其他投資的人，做short put等接貨比動用100%資金持有正股更能靈活使用資金。當然，當大市下跌按金會增加，通常建議最少預備15%正股價作按金，並有備用現金預備接貨。

當然，做期權要求的技巧較高，新手不要心急，先求知，學懂理論和操作，再投資也未遲。我常常說，期權新手要求自己最起碼的每月現金回報是預備接貨的金額的1%。如果每月1%也賺不到，應是操作方法出現問題。例如把期權當作牛熊證、窩輪那樣炒方向的工具、或貪期權金做得太多張數、風險管理得不夠好。如投資失利，要自己認真檢討出貨入貨的時候是否太衝動、是否出現見頂太貪心高追、見底太恐懼低沽的問題。

金曹 jin.cao@hotmail.com

http://blogcity.hkheadline.com/jincao

長渣睇基本因素，唔平唔買，短炒講時機，唔升唔買

可能不少散戶也如 chu chu 那樣，唔識炒就落水炒緊股票了。短炒講走勢，順勢而炒，易賺到錢，但散戶可能簡單到睇一隻股的走勢都未識睇，就已經炒緊。3、4線股的走勢圖好容易人為製造出來，但聯邦製藥(3933) 有170億市值，大隻鱓，好少少，可以睇纒圖。佢去年9月出見鰦17.24元的高位，到9月尾再試高位不穿，最高見16.46元，已經破壞鰦上升軌，首先出現鰦見頂之象，走勢轉弱，若之前有貨的短炒者可以在這時離場。離鰦場不代表不能再進場，若再見隻股上穿高位，可以在穿位時追入(可定5%止蝕)，佢在12月中出現疑似穿高位現象，後來最高見17.12元，穿唔到高位就回吐，即係話唔使追入，亦出現一個典型的雙頂現象，之後回落在16元左右橫行，到今年1月6日開始穿位向下，更加確認下行走勢，短炒唔使再望住。

我講聯邦製藥純講走勢，一的基本因素都無講，因為短炒真係睇走勢多過基本因素，chu chu在15.9元時買，我估係最近在橫行時買，如我所講，係見左雙頂之後，本身唔係一個好好買入時機，因為隻股走勢偏弱，輸面大過贏面。要買可以定在17.3元買，即係唔上破高位唔買，咁贏面會大小小。

你可能會問，點解唔在佢回落橫行時買，要在佢上升穿高位咁貴時買?　咁咪好笨? 長渣睇基本因素，唔平唔買，短炒講時機，唔升唔買，佢走勢已轉弱，你仲在佢橫行時買，唔好話佢破位向下機會較大，即使繼續橫行三個月半年，你點短炒 ? 所有機會成本輸哂，所以高位回落鰦之後橫行都買唔過; 對短炒者來說，在升穿高位時買，看似笨，其實精。我叫你分清長渣和短炒，因為即使買同一隻股，目標唔同，方法亦有好大分別。你想短炒，先練下睇大股的走勢圖先啦。