樓股投資，有小浪與大勢之分。

樓股投資，有小浪與大勢之分。樓市大勢上升不變，但擺在眼前是一個小調整浪。今晚睇八點有線財經，班人居然睇好樓市，更加令筆者堅信調整浪就在眼前。不過 跌返幾個月，樓價會再升過。嚮呢種市況之下，自住樓或者收租樓無需要賣，因為真係賣左買唔返；反而持貨太重，或者現金流buffer不足，就應該減磅。

供應增加主要集中在中小單位，一千呎以上的單位仍然是少數；人口增長放緩，但新建物業亦放緩，屬於中性；經濟已屆高原期主要因為香港本地經濟萎縮被中國因素中和。

講返樓市，其實最主要的旋律係「Ｍ型社會」，即係財富分配不均，貧富懸殊，所以一定要選擇優質物業，而不要死抱上車盤、公屋、居屋。呢一期高價搶公屋居屋的人，好大機會坐艇。

長遠黎講，渣現金係最笨，因為社會上最有錢果班人，唔係股票都係物業，手持大量現金的有錢佬，其實係大存大借。就係呢一班人，先至可以在低位入市。

股路縱橫：收集完成國際資源破位上

大行同基金多看好的國際資源（ 1051），昨日終於發力，破位而上，高收 0.56元，升 4仙，升幅 7.7%，成交更比前日大增的 18倍到 2.48億股，大戶收集完成，長線看好。由去年底開始，國際資源走勢基本上形成一個左柄+大圖底+右柄的收集形態，現時右柄已營造完成，股價大陽燭抽上， 一舉而拋離 3條平均線，並升穿保歷加通道頂（ 0.539元）阻力， MACD牛差距亦擴闊，確認開展中期上升大浪，以量度升幅計，目標指向 0.73元，有 3成上升空間。國際金價升勢持續，基金看好金礦股前景，紛紛增持。上月 18日，摩根大通便增持國際資源股份至 7.01%，視為長線投資；另一基金貝萊德（ Blackrock）亦於上月 9日增持至 9.06%。國際資源位於印尼 Martabe的金礦仲有 1年就投產，相信基金會陸續上車同增持，利好股價表現。大半年來，多家大行都有發表對國際資源的研究報告，評級為「買入」同「增持」，目標價由 0.61元到 0.71元不等。最新及最「牛」的報告，係澳洲最大獨立股票經紀公司 Shaw Stockbroking於上月 22日所發表，評級「買入」，目標價為 0.80元，以昨日收市價計，有逾 4成上升空間。Shaw預期國際資源印尼金礦於 2011年底投產，首批全年產量約為 25萬盎斯， 3年內可增至 35萬盎斯，估計可為集團在 2012年及 2013年分別帶來 8260萬元及 8.65億元盈利。

基金不斷增持 放大圖片

Martabe現時只係 3個礦床的礦產資源量已有黃金 650萬盎斯， Shaw預計未來數年的資源量可上升至 1000萬盎斯，與同類型國際上市公司比較，國際資源市值相對大落後，按照現時金價水平，國際資源在未來 12至 18個月，市值可接近 117億至 156億元水平，以昨收市價計，國際資源市值為 78.7億元，亦即樂觀估計可上升 1倍。金礦有價，資源量「晒士」比國際資源細一半的阿根廷金礦，亦值 270億元，國際資源現時股價實在大大偏低，難怪基金不斷增持。郭兆誠

曾淵滄專欄：趁調整買國策支持股

建材股見底回升可吼

因此，我認為內房股可以選擇性的買，建築材料股更值得買，趁着近兩個多星期的調整，建築材料股股價出現調整，可以考慮，當然，我也經常說建議「撈底」，不建議猜最低價在甚麼水平，而是應該等到股價見底回升才追入。
過 去兩天，我留意到建築材料股已有很強的見底回升迹象，不追隨大盤下跌有逆市上升之勢，這包括中建材（ 3323）、安徽海螺（ 914）、華潤水泥（ 1313），除水泥股外，中國聯塑（ 2128）也是主要的建築材料股，建房子不能沒有水管，聯塑已是中國最大的塑膠水管生產商。

港交所再回可下一注

財智語陸：港交所再回可下一注

港股上周五早段表現仍然牛皮，下午卻突然跌穿 22800點的關口，表面上沒有特別原因，料是故意殺牛證的行動。港股上周連續兩次下試 22800點後都出現反彈，加上今日為期指結算日，所以上周五港股於午市後出現調整，可能亦與轉倉因素有關，故此過了結算日後，相信恒生指數可望逐步回 穩。由於歐債危機可能會加速歐盟及 IMF的拯救計劃，所以令明年全球市場的流動性增加，因此， 23000點以下逐步趁低吸納港股，其實仍然是最佳的策略，唯一一點是吸納的速度不用過快，因為優質股永遠是最後才下跌，故此有部份股份仍未調整至極吸引 的水平，如吸納的速度過急，可能會錯過吸納優質股的最佳時機。

挑戰 250元非沒可能

就以港交所（ 388）為例，如果港股仍處於牛市階段，那麼港交所仍是其一不錯選擇。恒指已跌穿 50天平均線的同時，港交所卻仍然守在此關口之上，除了反映出不少基金在港交所每次出現調整的時候，均作出趁低吸納的行動，因而令其股價跑贏大市。不過， 每隻強勢股在調整浪中都有一次較深的調整，港交所似乎還欠最後一跌，所以投資者不妨等港交所跌穿 171元這個機會的來臨，並作出趁低吸納的行動。要知道港股雖然自 9月份開始顯著上升，至 11月初才出現暫時回氣的情況，同時短短兩個月間，升幅超過一成，同時大市的成交亦有所上升，可是如果與 07年 8月中後的氣氛作比較，港股其實仍未到瘋癲的時期，同時成交仍有很大的上升空間，所以港交所要在明年挑戰 250元的歷史關口，其實不是一件沒有可能的事情，雖說現時「港股直通車」的概念不現實，可是只要明年港股的成交進一步升至 1500億元以上，那麼港交所的股價自然水漲船高。陳永陸獨立股評人

樓市股市最尖個頂同底難估

例如: 樓市七年一個起伏, 一年急跌下來, 其餘六年就慢慢升, 去形成新一個起伏. then, 你的意思是我們在大跌市後, 才去買樓, 其餘六七年的時間是租樓 or 積極蓄錢, 等泡沫爆破. 請問我有無get錯你意思呢?

原則上係咁，但你應該咁諗：出黎做野之後，必須要儲錢，最好學埋投資，咁個市暴跌，你就有實力入市。而今好多人話，橫掂點賺點儲都追唔到樓價，不如用黎玩車／追電子產品／追名牌／媾女，咁無論個市高定低，呢個人都係口講講，無實力。

其實樓市股市最尖個頂同底難估，但邊個時間係偏高或偏低，係好容易知道的，偏低時買，即使後來再跌，一定可以守；但偏高時候去買，都可以守，人地守一兩 年，佢地要守足一個浪囉！再唔係，買錯野，例如成萬蚊買深井，七千蚊買MOS/TKO，五千蚊買TSW，守兩個浪都未見家鄉呀！

仲有，當你把握到人生第一個樓市浪時，第二個浪可以改善生活環境，第三或者第四個浪就可以買多間收租，而唔係次次都租六七年樓。

板塊尋寶： 6厘收租股 置富財息兼收

板塊尋寶： 6厘收租股　置富財息兼收

市況波動，投資高息收租股會是不錯選擇，今年租金狂加，向來以防守見稱的房地產投資信託基金（ REITs），走勢絕對有板有眼，今年 4月以介紹形式上市的置富產業（ 778），知名度不及商場大業主領匯（ 823）以及管理朗豪坊的冠君產業（ 2778），但純粹以估值比較，置富投資價值猶勝兩者，加上超過 6厘高息，財「息」可兼收。置富持有 14個零售物業，零售樓面約 200萬呎，車位 1660個，當中包括紅磡都會商場、將軍澳都會駅，以及港鐵沿線的沙田第一城物業及馬鞍山廣場等。租務比拼，置富截至 9月底止出租率升至 98%創新高，領先領匯的 91%，前者現時租金平均呎租約達 27.70元的歷史新高。置富首三季總收入按年升 23.5%，遠高於領匯中期的 9%升幅。事實上，置富最大優勢是租金水平按市價及需求決定，且皆屬私人屋苑物業，毋須如領匯加租般綁手綁腳。

現價較 NAV折讓近 30%

投資 REITs，除考慮基金加租能力外，亦須留意基金資產淨值（ NAV），股價相對每股 NAV，折讓越大，估值越平。 6隻 REITs，現時只有領匯市價較 NAV呈現溢價，幅度達 30%，除非押注領匯旗下商場未來價值能大提升三成以上，現價似嫌偏貴。其餘 5隻 REITs股價對每股 NAV折讓介乎 19%至 35%。置富 9月底每單位基金 NAV為 5.67元，按年升 6.6%，現價較 NAV折讓近 30%，如折讓收窄至一成長期平均合理水平，股價即可升抵至 5.10元。比較未來兩年 PE，置富預測 PE約 16倍，是同業中最低，較業內平均 21倍折讓約 24%。息率方面，置富、陽光房託（ 435）及泓富產業（ 808）明年預測息率超過 6厘，在零息時代，是抗通脹最佳武器。大折讓加上高息，已惹來外資青睞，包括施羅德、摩根大通及星展等基金或投行，分別持有置富 11%、 7.35%及 5.52%。建議 4元或以下買入，中線目標 5元，跌穿 3.80元止蝕。王昇

張華峰教炒港交所

港交所（ 388）一直係唔少香港股民心目中嘅愛股，事關佢作為香港嘅交所易，個份感情同埋代表性，真係非筆墨所能形容，但係自從 07年尾，嗰個大意嘅司機（溫家寶），加埋阿爺無厘頭起出嚟嗰條濕滑嘅公路，令到港股直通車炒車，炒死好多 260幾蚊上車嘅人之後，好多人都疑惑，呢隻股應該點樣同佢談戀愛……

連升 6日　唔好心急入市

直到呢排，曙光終於再現──既有人仔產品，仲加多劑花旗國 QE2（次輪量化寬鬆），港交所於是又再逼近 200蚊嘞！無貨嘅散戶應唔應該買？ 07年高追嘅蟹民幾時可以鬆綁？一班股壇叔父輩同華華講，佢哋一致睇好……咁樣好「空洞派」喎！
其中一位老叔父張華峰（恒豐證券董事總經理）就講得最實在─港交所由上市開始，已經係佢投資組合嘅「膽」，但係千祈唔好心急入市，事關大市連升 6個交易日，升咗千八點有多，咁港交所由 10月到家都升咗四十幾蚊，「就算（港交所）今日再升，一定會調整，唔好急！」

有貨就賣少少 good水先

張老又話，若果手上無貨，就要等個大市調整一千點至落手；有貨咩，就可以賣少少 good咗水先，「我炒呢隻股咁多年，點都未試過賣晒，一定要有啲揸手！」至於呢隻股睇幾多？
張老好豪氣咁話， 12個月內一定見 300蚊！咁當日喺 267蚊（即市新高）買入嘅，都唔使怕啦！
睇 300蚊，理據何在呢又？張老話，首先，一劑 QE2西水東流（西方嘅錢流向東方），香港仲要係首選，港股好，港交所自然好；第二，滬港股市唔存在競爭，因為鬼佬仍然鍾愛香港法制；第三，中國好，香港 一定好，「內地經濟好，好多企業要嚟香港吸水發展……」一句到尾，香港係得天獨厚囉！