借銀行錢的真正意義

脫苦海

很多人不明白借銀行錢的真正意義，他們想著怎樣盡快還錢比銀行，供斷層樓以便節省利息，例如筆者買嘉湖時是只供十年，後來買樓則有咁長供咁長，點解？以前 近十厘息，今日係一厘都無，借錢的意義就好唔同。加按借更多錢，理論上你係欠銀行更多錢，要比更多利息，但係同時你手頭上亦有更多低息現金，有投資計劃當 然好，就算係無，暫時失業都可以囉黎還比銀行。所有有錢人都係現金在手，債就欠銀行，就係呢個道理。

加按後樓價暴跌又如何？一係銀行唔迫你倉，咁你可以低位有首期入市，就算銀行迫你倉，只不過你將手上的現金比返銀行，你都唔會頭痕。

換樓可以係大換細細換大，可以一間大換兩間（其中一間用黎收租），更可以把升得慢的樓換升得快的樓，就算你係貴換貴，只要你無揀錯貨，一樣無蝕。舉個例子：你用南豐新村換太古城。

問題只係，你憑乜野揀盤？睇市？